4 лістапада 2019 года на базе дзяржаўнай установы адукацыі «Сярэдняя школа №16 г. Мазыра» прайшоў семінар-практыкум па тэме “Сучасныя эфектыўныя вучэбныя заняткі: метадычная кампетэнцыя настаўніка”, удзельнікамі якога былі настаўнікі беларускай мовы і літаратуры, метадыст вучэбна-метадычнага цэнтра.

Мэта семінара - удасканаленне прафесійнай кампетэнтнасці настаўніка пры арганізацыі адукацыйнага працэсу па засваенні новага зместу вучэбных прадметаў гуманітарнага цыкла.

Задачы:

• павышаць кваліфікацыю і прафесійны рост педагогаў;

• ўдасканальваць прадметна-метадычныя кампетэнцыі настаўнікаў беларускай мовы і літаратуры;

• прадставіць вопыт работы настаўнікаў па выкарыстанню прыёмаў дыферэнцыяцыі і індывідуалізацыі вучэбнай дзейнасці вучняў, рэалізацыі кантрольна-ацэначнай дзейнасці на ўроку беларускай мовы і правядзенню карэкцыйнай работы на вучэбных занятках па беларускай мове;

• пазнаёміць з рэкамендацыямі па выніках рэспубліканскай кантрольнай работы па вучэбным прадмеце “Беларуская мова” у 2018/2019 вучэбным годзе

На семінары-практыкуме была заслухана інфармацыя Яраш Т.Л., кіраўніка раённага рэсурснага цэнтра па беларускай мове і літаратуры ДУА “Сярэдняя школа №16 г.Мазыра” - Патрабаванні да сучаснага ўрока. Псіхалагічныя аспекты правядзення вучэбных заняткаў.

Пытанне "Бесперапыннае ўдасканаленне прадметна-метадычных кампетэнцый настаўніка беларускай мовы і літаратуры” асвяціла Дамасевіч В.А., настаўнік беларускай мовы і літаратуры ДУА “Сярэдняя школа №16 г.Мазыра”.

З інфармацыяй па выніках вывучэння дзейнасці ўстаноў агульнай сярэдняй адукацыі па пытаннях завяршэння выпускных экзаменаў выступіла Зайцава Л.М., настаўнік беларускай мовы і літаратуры ДУА «Сярэдняя школа №11 г.Мазыра».

З Рэкамендацыямі па выніках рэспубліканскай кантрольнай работы па вучэбным прадмеце “Беларуская мова” у 2018/2019 вучэбным годзе пазнаёміла          Юдзіна А.Г., метадыст ВМЦ.

         У практычнай частцы прадставілі свой вопыт работы:

Мішкова А.В., настаўнік беларускай мовы і літаратуры ДУА «Сярэдняя школа №15 г.Мазыра» - “Выкарыстанне прыёмаў дыферэнцыяцыі і індывідуалізацыі вучэбнай дзейнасці вучняў”;

Каваленка Н.А., настаўнік беларускай мовы і літаратуры ДУА «Сярэдняя школа №8 г.Мазыра» - Рэалізацыя кантрольна-ацэначнай дзейнасці на ўроку беларускай мовы;

Руднік Н.С., настаўнік беларускай мовы і літаратуры ДУА «Козенская сярэдняя школа Мазырскага раёна» - Правядзенне карэкцыйнай работы на вучэбных занятках па беларускай мове.